3rd May 2018 DMC Central Karachi Press Release

3rd May 2018 DMC Central Karachi Press Release

کراچی ( ) چیئرمین بلدیہ وسطی محمد ریحان ہاشمی نے شب برأت کے موقع پرعوام کو بلدیاتی سہولیات کی فراہمی پرضلع وسطی کے منتخب نمائندوں ، بلدیاتی افسران وکارکنان کو شب برأت پر قبرستانوں مساجد و امام بارگاہوں کے اطراف میں بہتر انتظامات کرنے پر خراج تحسین پیش کرتے ہوئے کہا کہ حق پرست قیادت اور بلدیہ وسطی کے افسران و ملازمین نے شب برأت کے موقع پر بلا تفریق رنگ و نسل تمام مکتبہء فکر کے مسلمانوں کو شہری و بلدیاتی سہولیات کی فراہمی کو ممکن بنایا جوقابل تحسین عمل ہے انہوں نے کہا کہ یہ سب حق پرست منتخب بلدیاتی نمائندوں اور افسران کی بہتر منصوبہ بندی اور افسران و کارکنوں کے درمیان مربوط رابطے اور باہمی تعاون سے ہی ممکن ھوسکا ۔جس کے لئے حق پرست بلدیاتی قیادت اور بلدیہ وسطی کی انتظامیہ خراج تحسین کے مستحق ہیں ۔ ان خیالات کا اظہار انہوں نے بلدیہ وسطی کے مرکزی دفتر میں بلدیاتی نمائندوں اور افسران و عملے کے مشترکہ اجلاس سے خطاب کرتے ہوئے کیا تفصیلات کے مطابق بلدیہ وسطی کی جانب سے شب برأت کے موقع پر تمام قبرستان آنے والے راستوں پر صفائی ستھرائی، سڑکوں پر استرکاری ،پانی و سیوریج لائنوں کی مرمت اور روشنی کے بہترین انتظاما ت کئے گئے تھے جبکہ قبرستانوں میں صفائی ستھرائی اور خودرو جھاڑیوں،درختوں کی کٹائی اور رات کے وقت روشنی کا انتظام کیا گیا تھا جس کی بنا پر لاکھوں مسلمانوں نے شب برأت کو اپنے پیارے مرحومین کی قبروں پر بہ آسانی اور سہولت کے ساتھ فاتحہ خوانی کی ۔ جبکہ قبرستانوں کے قریب زائرین کے لئے استقبالیہ کیمپ بھی لگائے گئے تھے جہاں زائرین کو ٹھنڈے مشروبات اور پھولوں کی پتیاں بھی پیش کی گئی تھیں ۔ شب برأت کو قبرستانوں کے دورے کے موقع پر چیئرمین بلدیہ وسطی اور انکی ٹیم کے اراکین نے بھائی چارے کی فضاء کو تقویت دینے اور باہمی محبت کی فضاء کو قائم رکھنے کے لئے چیئرمین بلدیہ وسطی ریحان ہاشمی ، حق پرست رکن صوبائی اسمبلی جمال احمد،،فوکل پرسن بلدیہ وسطی نبیل احمد،یوسیز چیئرمین و وائس چیئرمین اپنی سیاسی شناخت رکھنے کے باوجود دیگر مذہبی و سیاسی جماعتوں کے کیمپوں پر بھی گئے اور انکے ذمہ داران و کارکنان سے ملاقات کی تاکہ اسلامی بھائی چارے کی فضاء کو فروغ دیا جاسکے۔

کراچی ( ) چیئرمین بلدیہ وسطی ریحان ہاشمی نے یونین کمیٹی نمبر ۱۴ نارتھ کراچی میں پیر سید یٰسین میاں عُرس کے موقع پر ان کے مزار پر حاضری دی ، فاتحہ خوانی کی اور نعت کی محفل میں شرکت کی۔ تفصیلات کے مطابق چئیرمین بلدیہ وسطی ریحان ہاشمی بزرگانِ دین اور اولیأ اللہ سے دلی عقیدت رکھتے ہیں، بزرگانِ دین کے مزارات پر حاضری دیتے رہتے ہیں۔ ضلع وسطی میں نیوکراچی زون کے علاقے یوسی ۱۴؍ میں پیرسید یٰسین میاں کے مزا رپر عُرس کے دوران حاضری دی ، اس موقع پر انہوں نے سجادہ نشین حضرت سید عبداللہ زبیر جیلانی قادری اور انکے معتقدین سے ملاقات کی اور پھولوں کے تحائف پیش کئے اور نعت خوانی کی محفل میں شرکت کی اس موقع پر شرکاء نے صفائی اور روشنی کی سہولیات مہیا کرنے پر ریحان ہاشمی کا شکریہ ادا کیا ۔ واضح رہے کہ ریحان ہاشمی نے شبِ برأت کے موقع پر بھی مختلف مذہبی اجتماعات میں خصوصی شرکت کی اور ضلع وسطی کے عوام کے لئے بہترین بلدیاتی سہولیات کے خصوصی انتظامات کئے ، مساجد، امام بارگاہوں، دینی اجتماع کے مقامات اور قبرستانوں کو جانے والے راستوں کی صفائی اور رات کے وقت روشنی کے انتظامات کئے جس کی بنأ پر لاکھوں مسلمان اپنے پیاروں کی قبروں پر بہ آسانی فاتحہ خوانی کے لئے آسکے اور رات بھر فاتحہ خوانی کرنے والوں کی قبرستانوں میں آمد و رفت جاری رہی۔ 

3rd May 2018 DMC Central Karachi Press Release

1st May 2018 DMC Central Karachi Press Release

1st May 2018 DMC Central Karachi Press Release

کراچی ( ) بلدیہ وسطی میں شبِ برأت کے موقع پر عوام کی سہولت کے لئے قبرستانوں میں اور راستوں پر صفائی اور روشنی کے انتظامات انتہائی خوش اسلوبی سے کئے گئے۔ عوام کو کسی قسم کی پریشانی سے دوچار نہیں ہونا پڑا۔ تفصیلات کے مطابق ، چیئرمین بلدیہ وسطی ریحان ہاشمی کی ہدایت پر ضلع وسطی میں عوام کو شبِ برات کے دوران بہترین بلدیاتی سہولیات فراہم کرنے کے انتظامات کئے گئے۔ فی الوقت بلدیہ وسطی کی حدود میں پندرہ چھوٹے بڑے قبرستان ہیں۔ جہاں شبِ برأت کے موقع پر لاکھوں کی تعداد میں مسلمان اپنے مرحومین کی قبروں پر فاتح خوانی کے لئے جاتے ہیں۔ قبرستانوں میں خود رو جھاڑیاں اور درخت اُگ جاتے ہیں جو عوام کے لئے پریشانی کا باعث ہوتے ہیں۔بلدیہ وسطی کی انتظامیہ نے نہ صرف قبرستانوں سے جھاڑیاں ختم کرائی بلکہ قبرستانوں میں راستوں میں صفائی کا ایسا انتظام کیا کہ عوام کو اپنے پیاروں کی قبروں تک پہنچنے میں کسی قسم کی پریشان نہیں ہوئی۔اس کے ساتھ ساتھ قبرستانوں میں رات بھر روشنی کے لئے خصوصی انتظامات کئے گئے تھے۔دوسری جانب قبرستانوں کو جانے والے راستوں پر صفائی کے ساتھ رات کے وقت اسٹریٹ لائٹس کے خصوصی انتظامات کئے گئے۔ ساتھ ہی گرمی کے سبب پانی اور شربت کی سبیلیں بھی عوام کی پیاس بجھانے کے لئے پانی اور شربت پیش کرتی رہیں۔ قبروں پر ڈالنے کے لئے پھول بھی بلدیہ وسطی کی جانب سے عوام کو مفت پیش کئے گئے۔ قبرستانوں میں پانی اور خوشبو کا اسپرے بھی کیا گیا تاکہ گرمی کی شدت میں کچھ کمی محسوس کی جاسکے۔چیئرمین ، وائس چیئرمین ، بلدیاتی افسران اور کارکنان صبح سے رات تک عوام کی خدمات میں مصروف رہے۔

1st May 2018 DMC Central Karachi Press Release

30th Apr 2018 DMC Central Karachi Press Release

30th Apr 2018 DMC Central Karachi Press Release

کراچی ( ) چیئرمین بلدیہ وسطی ریحان ہاشمی کی ہدایت پر ضلع وسطی میں واقع مساجد ، امام بارگاہوں، دینی اجتماعات کے مراکز اور قبرستانوں کے اطرا ف اور راستوں پر صفائی کے بہتر انتظامات کے ساتھ را ت کے وقت روشنی کے اضافی انتظامات مکمل کر لئے گئے۔جبکہ شبِ برأت کے موقع پر اپنے عزیز و اقارب کی قبروں پر فاتحہ خوانی کی غرض سے جانے والے افراد کے لئے قبرستانوں کے قریب پانی کی سبیلیں لگائی گئیں جہاں گرمی کی شدت سے بے حال افراد اپنی پیاس بجھا ئیں گے ۔ جبکہ قبرستان آنے والوں میں بلدیہ وسطی کی جانب سے پھولوں کی پتیاں اور مفت طبی سہولیات بھی مہیا کی جائیں گی، شب برات مسلمانوں کے لئے بڑی راتوں میں سے ایک بڑی رات ہے جس میں مسلمانوں کی بڑی تعداد عبادت کرنے کے ساتھ ساتھ اپنے مرحوم عزیزوں کو ایصال ثواب پہچانے کی غرض سے انکی قبروں پر فاتحہ خوانی کرنے قبرستانوں کا رخ کرتے ہیں ایک ہی شب میں لاکھوں افراد کا قبرستان آنا انتظامیہ کے لئے ایک کھلا چیلنج ہوتا ہے ضلع وسطی میں 15 ایسے قبرستان ہیں جہاں لاکھوں کی تعداد میں مسلمان اپنے پیاروں کی قبروں پر فاتحہ خوانی کرنے آتے ہیں جو کہ بلدیہ وسطی کی انتظامیہ کے لئے بھی بڑا امتحان ہے ، لیکن بلدیہ وسطی کے نوجوان اور خدمت کے جذبے سے سرشار چیئرمین محمد ریحان ہاشمی اور انکی ٹیم کی بہترین حکمت عملی اور انتھک محنت کے باعث ضلع وسطی میں شب برات کے موقع پر بہترین انتظامات دیکھنے میں آرہے ہیں جسکی نظیر نہیں ملتی ۔بلدیہ وسطی میں شعبان کا چاند نظر آتے ہی قبرستانوں میں صفائی ستھرائی اور خود رو جھاڑیوں کی کٹائی جبکہ بڑے درختوں کی چھٹائی کا کام شروع کردیا گیا تھا جبکہ قبرستان آنے والوں راستوں پر سڑک کی پیوند کاری،سیوریج لائنوں کی مرمت ،مٹی کے ڈھیروں کا صفایا اور روشنی کے انتظامات کو ممکن بنانے کے لئے بلدیہ وسطی کی انتظامیہ شب و روز کوشاں تھی جسکی نگرانی چیئرمین بلدیہ وسطی ریحان ہاشمی ،وائس چیئرمین سید شاکر علی،حق پرست رکن قومی اسمبلی عبدالوسیم،رکن صوبائی اسمبلی جمال احمد،متعلقہ یوسیز کے چیئرمین و وائس چیئرمین،اسٹنڈنگ کمیٹیز کے چیئرمین ،یوسی کونسلرز بنفس نفیس کر رہے تھے ۔یہی وجہ ہے کہ بلدیہ وسطی کے تحت شب برات کے موقع پر کئے گئے انتظامات دوسرے اضلاع کے مقابلے بہتر نظر آرہے ہیں ۔یہاں یہ بات قابل ذکرہے کہ ضلع وسطی کے چیئرمین ریحان ہاشمی نے جہاں عوامی نمائندوں کو آن بورڈ رکھا وہیں قانون نافذ کرنے والے اداروں ،ٹریفک پولیس ،فائر بریگیڈ کو بھی آن بورڈ رکھا ہے۔تاکہ کسی بھی قسم کے متوقع یا غیر متوقع ناخوشگوار واقعہ سے فوری طور پر نمٹا جاسکے ۔ 

30th Apr 2018 DMC Central Karachi Press Release

29th Apr 2018 DMC Central Karachi Press Release

29th Apr 2018 DMC Central Karachi Press Release

کراچی ( )چیئرمین بلدیہ وسطی ریحان ہاشمی، رکن قومی اسمبلی عبدالوسیم ،رکن صوبائی اسمبلی جمال احمد ،چیئر مین ورکس کمیٹی بلدیہ وسطی عا رف شاہ کا شب برات کے حوالے سے محمد شا ہ قبرستان کا دورہ ۔ ارکان قومی و صوبائی اسمبلی نے چیئر مین بلدیہ وسطی اور انکی ٹیم کی جانب سے شب برات کے حوالے سے کئے گئے انتظامات پر اظہار اطمینان ۔ اس موقع پر چیئر مین بلدیہ وسطی ریحان ہاشمی نے متعلقہ محکموں کے افسران کو ہدایت دیتے ہوئے کہا کہ قبرستان آ نے والوں کو سہولیات کی فراہمی میں کوئی کسر نہ چھوڑی جائے شب برات سے قبل قبرستان اورروحانی محفل کے اجتمات کی جگاہوں پر بلدیاتی سہولیات کی فراہمی کے کام کو فوری طور پر مکمل کر لیاجائے تا کہ شب برات کے موقع پر قبرستان آنے والے زائرین کو کسی قسم کی پریشانی کا سامنا نہ ہو ۔عوامی سہولتوں کی فراہمی کے حوالے سے چیئر مین بلدیہ وسطی ریحان ہاشمی نے ماہ شعبان کی ابتدا سے مربوط حکمت عملی اور بہترین پلاننگ کے ذریعے بلدیہ وسطی کے متعلقہ محکمہ جات کو متحرک کر دیا تھا، اس موقع پر چیئر مین بلدیہ وسطی ریحان ہاشمی نے کہا کہ بلدیہ وسطی اپنے محدود فنڈ میں رہتے ہوئے ضلع وسطی کے عوام کو بنیادی بلدیاتی سہولتیں فراہم کرنے کے لئے دن رات کوشاں ہے ۔بلدیہ وسطی نے ضلع وسطی کے تمام قبرستانوں کے اطراف صفائی ستھرائی کے ساتھ ساتھ قبرستانوں میں قائم جھاڑیوں کی چھٹائی کام اور قبرستانوں کے ساتھ ساتھ مساجد و امام بارگاہوں کے راستوں پر صفا ئی ستھرائی اور روشنی کا کام بھی تقریبا مکمل کرلیا ہے تاکہ شب برات کے موقع پر زائرین کو کسی قسم کی پریشانی کا سامنا نہ کرنا پڑے۔ واضح رہے کہ شب برات کے موقع پر مسلمانوں کی بڑی تعداد اپنے مرحوم عزیز و اقارب کی قبروں پر فاتحہ خوانی کے لئے جاتے ہیں جبکہ شب برات کے موقع پر ساری رات قبرستان جانے والوں کا تانتا بندھا رہتا ہے اس امر کو مدِ نظر رکھتے ہوئے چیئرمین بلدیہ وسطی ریحان ہاشمی نے قبرستانوں کے اطراف امدادی کیمپ لگانے کی ہدایت کی جن پر قبرستان آنے والے زائرین کے لئے پانی ،شربت اور پھول رکھے جائیں گے ۔

کراچی ( ) ملک کا مستقبل اور استحکام فروغِ تعلیم سے مشروط ہے ، ہمیں اپنے طلبا کو تعلیم کے زیور سے آراستہ کرنا ہوگا۔ اِن خیالات کا اظہارمتحدہ قومی موومنٹ پاکستان کے رکنِ رابطہ کمیٹی و ممبر قومی اسمبلی عبدالوسیم نے عثمانیہ اسلامک اکیڈمی نارتھ کراچی کی سالانہ تقریبِ تقسیمِ اسناد و انعامات سے بہ حیثیت مہمانِ خصوصی خطاب کرتے ہوئے کیا۔ انہوں نے مزید کہا کہ جدی دور میں تعلیم بہت اہمیت اختیاکرگئی ہے ضرورت اس بات کی ہے کہ ہم اپنے بچوں کو زیورِ تعلیم سے آراستہ کریں۔ اس موقع پر چیئرمین بلدیہ وسطی ریحان ہاشمی نے حاضرین سے خطاب کرتے ہوئے کہا کہ نصابی تعلیم کے ساتھ ساتھ عملی کردار کی تعمیر بھی بہت ضروری ہے ، قوموں کی ترقی میں اُن افراد کی خدمات اہم کردا ر اداکرتی ہیں کہ جو عملی میدان میں اہم کارنامے سرانجام دیتے ہیں۔اس موقع پر یوسی ۴؍ نارتھ کراچی کے نائب چئیرمین نبیل احمد ،سابقہ چئیرمین میٹرک بورڈ انوار احمد زئی، چئیرپرسن( اپسا ) شہنازالہدیٰ ، اسکولِ ہذٰا کے سرپرستِ اعلیٰ ملک محمد یوسف اورچئیرمین ان سی این ڈاکٹر محمد ایوب عباسی بھی موجود تھے۔ قبل ازیں ایڈمنسٹریٹر صدیق ملک نے استقبالیہ خطاب میں اسکول کی سالانہ کارکردگی کے بارے حاضرین کو معلومات فراہم کیں اور بتایا کہ اسکول ہذٰا میں نصابی او ر ہم نصابی ہر دورطرح کی سرگرمیوں پر زوردیا جاتاہے تاکہ طلبا تعلیم کے ساتھ ساتھ خوداعتمادی حاصل کرسکیں۔ بعد ازاں مہمانانِ خصوصی نے کامیاب طلباو طالبات میں اسناد و انعامات تقسیم کئے۔ اس موقع پر اسکول کے طلبا و طالبات نے معلوماتی ٹیبلوز بھی پیش کئے۔ جن کی تیاری میں اساتذہ نے اہم کردار اداکیا ۔تقریب میں طلبا و طالبات اور والدین کی بڑی تعداد نے شرکت کی ۔

29th Apr 2018 DMC Central Karachi Press Release

28th Apr 2018 DMC Central Karachi Press Release

28th Apr 2018 DMC Central Karachi Press Release

کراچی ( )چیئرمین بلدیہ وسطی ریحان ہاشمی کا رکن صوبائی اسمبلی جمال احمد کے ہمراہ شب برات کے حوالے سخی حسن قبرستان کا دورہ ۔ صفا ئی ستھرائی ،روشنی کے انتظامات اور خار دار جھاڑیوں کی چھٹائی کے کام کا معائنہ ۔تفصیلات کے مطابق چیئرمین بلدیہ وسطی ریحان ہاشمی نے شب برات کی آمد سے قبل قبرستانوں میں شہریوں کو سہولیات کی فراہمی کے لئے تمام دستیاب وسائل کو برؤے کار لاتے ہوئے ضلع وسطی میں قائم قبرستانوں میں صفائی ستھرائی اور روشنی کے انتظامات کو حتمی شکل دینے کے لئے رکن صوبائی اسمبلی جمال احمد کے ہمراہ ضلع وسطی کے مختلف قبرستانوں کا دورہ کیا اور انتظامات کا جائزہ لیا اس موقع پر انہوں نے کہا کہ ضلع وسطی میں تقریبا 15 بڑے قبرستان موجود ہیں جن میں صفائی ستھرائی اور جھاڑیوں کی کٹائی و چھٹائی کا کام مکمل ہوچکا ہے جبکہ روشنی کے انتظامات کے لئے کئی لاکھ رننگ فٹ وائر بچھایا جارہا ہے جس میں کم از کم ۲۲ہزار سیور لگائے جائیں گے اس کے علاوہ ہر قبرستان میں ایس این ایف لائٹیں بھی نصب کی جائیں گی اس موقع پر انہوں مزید کہا کہ کئی قبرستانوں میں سیوریج کے مسائل بھی تھے جنھیں حل کروادیا گیا جبکہ قبرستان آنے والے راستوں پر سڑکوں کی مرمت اور پیج ورک کا کام جاری ہے انہوں نے کہا کہ شب برات کے موقع پر مسلمانوں کی بڑی تعداد اپنے پیاروں کی قبروں پر فاتحہ خوانی کے لئے آتے ہیں اس موقع پر پارکنگ کے مسائل بھی جنم لیتے ہیں جس کے لئے بلدیہ وسطی قبرستانوں کے اطراف پارکنگ ایریا بنا رہی ہے جبکہ قبرستانوں کے اطراف استقبالیہ کیمپ بھی لگائیں جائیں گے جہاں زائرین کو پینے کا پانی پھولوں کی پتیاں اور طبی سہولیات بھی مہیا کی جائے گی جبکہ قبروں پر پانی ڈالنے کے لئے ڈی ایم سی کے باؤزر کے ذریعے قبرستان میں موجود ٹینک پانی ڈالا جائیگا اس موقع پر چیئرمین ریحان ہاشمی نے ڈائریکٹر سینی ٹیشن کو ہدایت کی کہ شب برات سے قبل قبرستانوں کے اطراف کتا مار مہم چلائی جائے تاکہ آوارہ کتوں سے نجاتن مل سکے چیئرمین بلدیہ وسطی نے کہا کہ شب برات کے موقع پر تمام حق پرست بلدیاتی نمائندے یوسی چیئرمین وائس چیئرمین اور کونسلرز آن بورڈ ہیں اور مستقل انتظامیہ کے ساتھ کام کر رہے ہیں اس موقع پر انہوں نے عوام سے اپیل کی کہ وہ بلدیہ وسطی کی انتظامیہ کے ساتھ تعاون کریں اور اپنی گاڑیوں کو قبرستان کے اندر لے جانے کے بجائے مختص کردہ پارکنگ میں کھڑی کریں عوام کا تعاون بلدیہ وسطی کی کامیابی کی دلیل ہے ۔ واضح رہے کہ شب برات کے موقع پر مسلمانوں کی بڑی تعداد اپنے مرحوم عزیز و اقارب کی قبروں پر فاتح خوانی کے لئے جاتے ہیں جبکہ شب برات کے موقع پر ساری رات قبرستان جانے والوں کا تانتا بندھا رہتا ہے اس امر کو مدِ نظر رکھتے ہوئے چیئرمین بلدیہ وسطی ریحان ہاشمی نے قبرستانوں کے اطراف امدادی کیمپ لگانے کی ہدایت کی جن پر قبرستان آنے والے زائرین کے لئے پانی ،شربت اور پھول رکھے جائیں گے جبکہ طبی سہولیات بھی مہیا کی جائے گی ۔

28th Apr 2018 DMC Central Karachi Press Release