3rd June 2018 DMC Central Karachi Press Release

3rd June 2018 DMC Central Karachi Press Release


کراچی ( )بلدیہ وسطی میں یومِ شہادتِ علی کے موقع پر صفائی ، روشنی اور امن و امان کی صورتِ حال سے متعلق فول پروف انتظامات کے لئے لائحہ عمل تیار ، چیئرمین بلدیہ وسطی نے متعلقہ بلدیاتی افسران کو ہدایت کی ہے یومِ علی کے موقع پر امام بارگاہوں اور مساجد کے اطراف کے علاوہ جلوس کے راستوں پر صفائی کے خصوصی انتظامات کئے جائیں۔ جبکہ گرمی کی شدت کے پیشِ نظر ہیٹ اسٹروک سے بچاؤ کے لئے کیمپ بھی جلوس کے راستوں پر لگائے جائیں گے تاکہ کسی بھی ہنگامی صورتِ حال میں گرمی کی شدت سے متاثرہ افراد کو فوری طبی امداددی جاسکے۔دوسری جانب امن و امان کی صورتِ حال کو معمول پر رکھنے کے حوالے سے قانون نافذ کرنے والے اداروں کوبھی آ ن بورڈ لیا جائے گا تاکہ کسی بھی ممکنہ ناخوشگوار واقعہ کو رو نما ہونے سے روکا جاسکے۔ اُدھر چیئرمین بلدیہ وسطی ریحان ہاشمی نے ضلع وسطی کی حدود میں موجود پلوں کے نیچے ٹرانسپورٹ مافیہ کے ناجائز قبضہ پر شدید احتجاج کرتے ہوئے محکمۂ انسدادِ تجاوزات کو ہدایت کی ہے کہ پلوں کے نیچے سے ناجائز قبضہ فوری ختم کرایا جائے۔انہوں نے کہا کہ ٹرانسپورٹ مافیہ کی جانب سے پلوں کے نیچے خالی جگہوں پر قبضہ شہرکی خوبصورتی خراب کرنے کی سازش ہے ۔ جبکہ اِن خالی جگہوں کو دیگر مثبت سرگرمیوں اور بیوٹی فیکیشن کے لئے استعمال کیا جاسکتاہے۔ محکمۂ انسدادِ تجاوزات کو ہدایت کی گئی ہے کہ ٹرانسپورٹ مافیہ سے پلوں کی جگہوں کو خالی کرانے کے لئے قانونی کارروائی کرنے سے گریز نہ کی جائے۔



3rd June 2018 DMC Central Karachi Press Release