10th Nov 2018 DMC Central Karachi Press Release

10th Nov 2018 DMC Central Karachi Press Release


کراچی ( ) چیئرمین بلدیہ وسطی ریحان ہاشمی کا ضلع وسطی کا ہنگامی دورہ ۔ مختلف مساجد و امام بارگاہوں، محافل میلاد النبیؐ اور جلوس کے منتظمین سے ملاقات۔جشن عید میلاد النبی ﷺ کے حوالے سے نکالے جانے والے جلوس اور محفل میلاد النبی ؐکے انعقاد کی جگہوں پر دی جانے والی بلدیاتی سہولیات کا جائزہ لیا۔ اس موقع پر اہلسنت رابطہ کونسل کے صدر کراچی مسرور ہاشمی ،چیئرمین یونین کمیٹی نمبر ۳ فاضل خانزادہ ،ڈائریکٹر سینی ٹیشن،ایکسین بلڈنگ و روڈ نیو کراچی بھی انکے ہمراہ تھے ۔چیئرمین بلدیہ وسطی ریحان ہاشمی نے کہا کہ جشن عید میلاد النبی کے موقع پر محفل میلاد النبیؐ کے انعقاد اور جلوس کے راستوں کو ہموار کرنے کے ساتھ ساتھ واٹر و سیوریج کی لائنوں کی لیکج کو بھی بند کرنے کے اقدامات کئے جارہے ہیں جبکہ روشنی کے بہتر سے بہتر انتظامات کے لئے جلوس اور محفل میلاد کے انعقاد کی جگہوں پر اضافی لائٹس لگائی جارہی ہیں اس موقع پر ریحان ہاشمی نے انہوں نے افسران کو ہدایت کی کہ اس بابرکت مہینے میں عاشقان رسولؐ کو بلدیاتی سہولیات کی فراہمی میں کسی بھی قسم کی کوتاہی اور سستی برداشت نہیں کی جائیگی ۔انہوں نے کہا کہ بلدیہ وسطی ہر مذہبی ایام کو عقیدت و احترام سے مناتی ہے ۔انہوں نے ضلع وسطی میں جشن عید میلاد النبی ؐکے موقع پر مختلف جگہوں پر روڈ کارپیٹنگ ،گڑھوں کی بھرائی کے کام کا معائنہ کیا اور کام کو جلد از جلد مکمل کرنے کی ہدایت کی تاکہ جشن عید میلاد النبی ؐ کے جلوس کے شرکاء کو کسی بھی قسم کی پرشانی کا سامنا نہ ہو۔ واضح رہے کہ ضلع وسطی نیو کراچی ، گلبرگ، حسین آباد،نارتھ ناظم آباد ، لیاقت آباد، گلبہار سمیت دیگر جگہوں سے عید میلاد النبیؐ کے موقع پر مرکزی جلوس برآمد ہوتے ہیں چیئرمین بلدیہ وسطی ریحان ہاشمی نے عاشقان رسول ؐ کو بہترین بلدیاتی سہولتوں کی بہم پہچانے کے لئے جلوس کی گزرگاہوں اور محفلِ کی انعقاد کی جگہوں پر ضرورت کے مطابق روڈ کارپیٹنگ کرنے کے احکامات جاری کئے تھے جس کی تکمیل کے لئے ضلع وسطی میں تیزی سے ترقیاتی کام جاری ہے ۔ 



10th Nov 2018 DMC Central Karachi Press Release