16th Oct 2018 DMC Central Karachi Press Release
کراچی ( ) چیئرمین بلدیہ وسطی ریحان ہاشمی نے کہا ہے کہ شہیدِ مِلّت لیاقت علی خان کا کردار قابلِ تقلیدہے ، انہوں نے قوم کی خاطر جان دے کر بتایا کہ حقیقی لیڈر کون ہوتاہے۔ وہ پاکستان کے پہلے وزیرِ اعظم شہیدِ مِلّت لیاقت علی خان کے یومِ شہادت کے موقع پر شہیدِ مِلّت کے مزار پر حاضری دینے اور فاتح خوانی کے بعد حاضرین سے گفتگو کررہے تھے۔ اس موقع پر انہوں نے کہا کہ شہیدِ مِلّت لیاقت علی خان جیسے رہنماؤں نے پاکستان بنایا جو ایک ایسا خواب تھا کہ جس کی تعبیر حقیقت کا روپ دھارتی نظر نہیں آتی تھی۔لیکن قائدِ اعظم کی قیادت اور لیاقت علی خان جیسے بے لوث ،پُر خلوص اور قوم پر اپنا سب کچھ لُٹادینے والے رہنماؤں کی بدولت آزادی کے خواب کو تعبیر ملی۔ ریحان ہاشمی نے کہا کہ آج کے سیاست دانوں کو شہیدِ مِلّت کی زندگی اور کردار کو اپنانا چاہئے کیونکہ اُن کی زندگی بتاتی ہے کہ لیڈر وہ ہوتاہے جو قوم کے لئے اپنا سب کچھ قربان کردیتاہے۔
16th Oct 2018 DMC Central Karachi Press Release