5th Aug 2018 DMC Central Karachi Press Release
کراچی ( ) چیئرمین بلدیہ وسطی ریحان ہاشمی ،ڈپٹی کمشنر( سینٹرل )فرحان غنی کا اتوار کے روز بلدیہ وسطی کے چاروں زونز کا ہنگامی دورہ مین شاہراؤں، پارکس و پلے گراونڈز کے اطراف صفائی،ستھرائی کا جائزہ لیا، پیچ ورک اور فٹ پاتھ کی مرمت کرنے کی ہدایت اس موقع پر انکے ہمراہ ایڈیشنل ڈپٹی کمشنر (سینٹرل) سپرنٹنڈنگ انجینئر نازش رضا ،ڈائریکٹر باغات ندیم حنیف،ڈپٹی ڈائریکٹر محمد علی و دیگر بلدیاتی افسران بھی موجود تھے۔ تفصیلات کے مطابق چیئرمین بلدیہ وسطی ریحان ہاشمی اور ڈپٹی کمشنر سینٹرل فرحان غنی نے چھٹی کے باوجود اتوار کے روز ضلع وسطی کے نارتھ ناظم آباد زون، نیوکراچی زون ، گلبرگ زون اور لیاقت آباد زونز کا ہنگامی دورہ کیا دونوں اہم افسران نے دورے کے دوران صفائی ستھرائی کے امور کا جائزہ لیا ،اس موقع پر انہوں نے مین شاہراؤں، پارکس اور پلے گراؤنڈز کے اطراف صفائی ستھرائی کے انتظامات کا جائزہ لیا اور متعلقہ بلدیاتی افسران کو ہدایت کی کہ مین شاہراؤں ،لنک روڈز، پارکس اور پلے گراؤنڈزکے اطراف جمع ہونے والے کوڑے کرکٹ کو فوری طور پر اُٹھایاجائے تاکہ بیک لاگ نہ بننے پائے۔جبکہ سڑکوں اور سائیڈ روڈز پر پڑے گڑھوں کو پُر کرنے کے لئے پیچ ورک اور فٹ پاتھوں کی مرمت فوری کرنے کی ہدایت بھی کی گئی۔ اس کے علاوہ عوامی اجتماع کے دیگر مقامات اور بازاروں کے قریب صفائی کے بہتر انتظامات کے لئے موؤّر اقدامات کرنے پرزور دیا گیا۔ اس موقع پر چیئرمین بلدیہ وسطی نے محکمہ باغات کی کاوشوں کو سرہاتے ہوئے کہا کہ ضلع وسطی میں ہونے والی شجرکاری مہم کے ثمرات نظر آرہے ہیں اور مختلف علاقوں میں لگائے گئے پودوں کی نشونما ظاہر ہونے لگی ہے۔ اس موقع پر چیئرمین بلدیہ وسطی ریحان ہاشمی نے جشنِ آزادی کے پیشِ نظر ضلع بھر میں صفائی کے انتظامات بہتر کرنے کے لئے تمام زونز کے چیئرمین اور وائس چیئرمین کو اپنے اپنے زون کے سینی ٹیشن ڈپارٹمنٹ کے اسٹاف کو مستعدرکھنے ،جبکہ عملے کی حاضری کو سو فیصد بنانے کے لئے غیر حاضر رہنے والے کارکنان کے خلاف محکمہ جاتی کارروائی کی ہدایت کی ۔ تاہم یہ بات بھی قابلِ توجہ ہے بلدیہ وسطی اپنے مالی اور دیگر مسائل کے باوجود چیئرمین ریحان ہاشمی خصوصی توجہ اور بہتر حکمتِ عملی اختیار کرتے ہوئے ہر طرح سے ضلع کو صاف ستھر ارکھنے کیلئے دن رات کاوشوں میں مصروف ہیں تاکہ عوام پریشانی سے دوچار نہ ہوں ۔ یہاں یہ بات بھی خارج اَز توجہ نہیں کہ بارش کا موسم ہے اور ہر گھڑی بارش کا امکان ہے جس کے پیشِ نظر نالوں کی صفائی کو بھی جاری رکھا جارہاہے تاکہ بارش کے دوران کسی بھی یوسی میں عوام کو بارش کے پانی کی نکاسی میں دشواری کا سامنا نہ کرنا پڑے۔ دوسری جشنِ آزدی کی تیاریوں کے سلسلے میں عوام کی سرگرمیاں بھی اپنے عروج پر ہیں جو بلدیاتی اداروں کی فوری توجہ چاہتی ہیں ایسے میں بلدیہ وسطی دوہری ذمہ داری پوری کرنے کے لئے بھر پور محنت اور توجہ سے خدمات انجام دے رہے ہیں
5th Aug 2018 DMC Central Karachi Press Release