14th Jul 2017 DMC Central Karachi Press Release

14th Jul 2017 DMC Central Karachi Press Release


کراچی( ) ممکنہ بارشوں کے پیشِ نظر ضلع بھر میں رین ایمرجنسی نافذ ، تمام محکموں کو تیار رہنے اور بارشوں کے دوران عوام کو ریلیف فراہم کرنے کیلئے علاقوں میں موجود رہنے کی ہدایت ،کوتاہی برتنے یا غیر حاضر ملازم کو کسی صورت برداشت نہیں کیا جائے گا بلکہ گھر بھیج دیا جائے گا ۔ان خیالات کا اظہار چیئرمین بلدیہ وسطی ریحان ہاشمی نے ممکنہ بارشوں کے حوالے سے منعقدہ اجلاس کے موقع پر کیا۔چیئرمین بلدیہ وسطی نے کہا کہ بارشوں میں ہنگامی صورتحال سے نمٹنے کے لئے بہترین حکمت عملی مرتب کرلی ہے تاکہ عوام کو بارشوں کے دوران کسی بھی قسم کی پریشانی نہ ہو۔انہوں نے کہا ہے کہ وسائل کی کمی اور اختیارات کے نہ ہونے کے باوجود بلدیاتی قیادت عوام کو ممکنہ بارش کی صورت میں مکمل بلدیاتی سہولتیں دینے کے لئے تیار ہے ۔محکمہ سینی ٹیشن اور مکینکل کے افسران کو ہدایت دیتے ہوئے انہوں نے کہا کہ صفائی ستھرائی کے امور پر خصوصی توجہ دی جائے اورکام کی رفتار کو تیز کیا جائے ، مشینریز کو درست حالت میں رکھا جائے تاکہ صفائی ستھرائی کے کاموں کی انجام دہی میں کسی قسم کی پریشانی نہ ہو ۔انہوں نے مزید کہاکہ برساتی نالوں کی صفائی کا کام تیزی سے جاری ہے تاکہ برسات کی صورت میں شاہراہوں پر پانی نہ جمع ہو۔اور ٹریفک کی روانی میں کوئی خلل نہ پڑھے۔


Meeting with Karachi Chamber of Commerce 




14th Jul 2017 DMC Central Karachi Press Release