16th Jul 2017 DMC Central Karachi Press Release

16th Jul 2017 DMC Central Karachi Press Release

کراچی( )وسائل کی کمی اور اختیارات کے نہ ہونے کے باوجود حق پرست بلدیاتی قیادت عوام کو ممکنہ سہولتیں فراہم کرنے کے ساتھ ساتھ بارش کے دوران مکمل ریلیف دینے کے لئے میدان عمل میں ہے ،ان خیالات کا اظہا ر مئیر کراچی وسیم اختر نے ضلع وسطی کے مختلف علاقوں میں بارش کے حوالے سے کئے جانے والے انتظامات کے معائنہ کے دوران کیا ۔اس موقع پر ان کے ہمراہ ڈپٹی میئر ارشد وہرہ ،چیئر مین بلدیہ وسطی ریحان ہاشمی و دیگر بلدیاتی افسران بھی موجو د تھے ۔میئر کراچی وسیم اختر نے گجر نالے کی صفا ئی کے کام کا بھی معا ئنہ کیا ،بلدیہ وسطی کی جانب سے رین ایمرجنسی کے حوالے سے کئے جانے والے انتظامات پر میئر نے اطمینان کا اظہا ر کرتے ہوئے چیئر مین بلدیہ وسطی ریحان ہاشمی کی کاوشوں کو سراہا اس موقع پر چیئر مین بلدیہ وسطی نے کہا کہ محکمہ موسمیات کی جانب سے بارش کی پیشن گوئی کے بعد بلدیہ وسطی میں رین ایمر جنسی قائم کردی گئی بارشوں میں ہنگامی صورتحال سے نمٹنے کے لئے بہترین حکمت عملی مرتب کرلی ہے تاکہ عوام کو بارشوں کے دوران کسی بھی قسم کی پریشانی نہ ہو ۔ بلدیہ وسطی کا عملہ رین ایمرجنسی کے کام میں مصروف ہے انہوں نے مزید کہا کہ برساتی نالوں کی صفائی اگر بروقت کی جاتی تو برساتی نالے اوور فلو نہ ہوتے اور نہ ہی بارش کا پانی سڑکوں پر جمع ہوتا ۔ریحان ہاشمی نے بارش کے دوران، خصوصاً ایسے علاقوں
 کا دورہ کیا کہ جہاں نکاسی میں خلل کی وجہ سے بارش کا پانی سڑکوں اور گلیوں میںبھرا ہُو اتھا۔           





16th Jul 2017 DMC Central Karachi Press Release