27th Nov 2017 DMC Central Karachi Press Release
کراچی ( )چیئرمین بلدیہ وسطی ریحان ہاشمی نے عید میلاد النبی کے موقع پر تمام علاقوں کو صاف ستھراءاور بلدیاتی مسائل کے خاتمے کے ساتھ ساتھ روشن ماحول کے قیام کے حوالے سے اقدامات کو تیز کرنے کی ہدایت دیتے ہوئے کہا کہ ضلع کی حدود میں شاہراہوں ،گلیوں اور جلوس کی گزر گاہوںکے راستوں پر بند اور ناکارہ اسٹریٹ لائٹس کی درستگی کو یقینی بناکر تاریکی کا خاتمہ اور روشن ماحول کو یقینی بنایا جائے،ہماری کوشش ہے کہ عاشقانِ رسول کو تمام ممکنہ سہولیات فراہم کی جائیں ۔ ان خیالات کا اظہار چیئرمین بلدیہ وسطی ریحان ہاشمی نے مختلف یونین کمیٹیز کے چیئرمین اور بلدیاتی افسران کے ہمراہ ضلع وسطی کے چاروں زونز کا تفصیلی دورے کے دوران کیا ۔انہوں نے متعلقہ افسران کو ہدایت دی کہ عید میلادالنبی کے موقع پر مساجدو امام بارگاہوں ، محافل میلاد النبی کی انعقاد کی جگہوںکے اطراف صفائی ستھرائی کے ساتھ ساتھ چونے کا چھڑکاو¿ کیا جائے جبکہ روشنی کے بہتر انتظامات کئے جائیں ۔واضح رہے کہ بلدیہ وسطی کی جانب سے منتظمین کی باہمی مشاورت کے ساتھ عید میلاد النبی کے حوالے سے ضلع وسطی کی حدود میں انتظامات تیزی سے جاری ہیں بارہ ربیع الاول کے موقع پر برآمد ہونے والے مرکزی جلوسوں کی گزر گاہوں پر سڑکوں کی استر کاری ،صفائی و ستھرائی ،روشنی کے انتظامات ترجیحی بنیادوں پر انجام دیا جارہا ہے ۔بارہ ربیع الاول کے موقع پر بلدیہ وسطی کی جانب مرکزی جلوس کی گزر گاہوں پر کیمپ قائم کئے جائیں گے جس میں عاشقانِ رسول کو شربت پلانے کے ساتھ ساتھ ضلع وسطی میں خوشبو کااسپرے کیا جائے گا۔
27th Nov 2017 DMC Central Karachi Press Release