4th Dec 2017 DMC Central Karachi Press Release
کراچی( )چیئرمین بلدیہ وسطی ریحان ہاشمی نے کہا کہ عوام کی خدمت ہما را نضب العین ہے کم وسائل اور اختیا رات نہ ہونے کے باوجود بھی عوامی نمائندے عوام کے ساتھ ہیں۔انہوں نے گلبرگ زون میں کی جانے والی روڈ کارپیٹنگ کے کام کا معائنہ کیا ۔ اس موقع پر سپرٹینڈنگ انجینئر اقبال احمد اور متعلقہ افسران بھی موجو د تھے ۔ انہوں نے کہا کہ ضلع وسطی کے مکینوں کواعلیٰ اور بہترین بلدیاتی سہولتوں کی فراہمی کو یقینی بنانے کےلئے مربوط حکمت عملی مرتب کرلی ہے جس کے زریعے اداروں کے باہمی تعاون سے عوامی سہولتوں کی فراہمی کو ممکن بنایا جارہا ہے۔انہوں نے کہا کہ کراچی کو کھنڈرات میں تبدیل کرنے والوں کی خواہش کو پورا نہیں ہونے دیں گے عوام ہمارے ساتھ ہے اور ہم عوام کے ساتھ مل کر کراچی کی تعمیر اور ترقی میں اپنا بھر پور کردار ادا کریں گے کراچی کودوبارہ روشنیوںکا شہر بنائیں گے انہوں نے مزید کہا کہ سڑکوں کی درستگی کے ساتھ ساتھ گرین بیلٹس کی تزین و آرائش کا کام بھی کیا جارہا ہے ،ضلع وسطی کے متعلقہ محکمے صفائی ستھرائی ،سڑکوں کی پیوند و استر کاری ،اسٹریٹ لائٹس کی تنصیب کو ہنگامی بنیادوں پر سر انجام دے رہے ہیں۔ انہوں نے عوام سے اپیل کی کہ وہ اپنا کوڑا کرکٹ گرین بیلٹس ،پارکس ، سڑکوں اورگلیوں کے سامنے پھیکنے کے بجائے بلدیہ وسطی کی مختص کردہ کچرا کنڈیوں میں ڈالیں۔
4th Dec 2017 DMC Central Karachi Press Release