8th Dec 2017 DMC Central Karachi Press Release

8th Dec 2017 DMC Central Karachi Press Release


کراچی( ) چیئرمین بلدیہ وسطی ریحان ہاشمی کا نیو کراچی کے مختلف یونین کمیٹیز کا ہنگامی دورہ نیو کراچی کے مختلف علاقوں میں صفائی ستھرائی اور کچرے کی منتقل کے کام کا معائنہ کیا۔ اس موقع پر یونین کمیٹی 12 کے چیئرمین حنیف سورتی ،ڈپٹی ڈائریکٹر سینی ٹیشن اسلم بیگ ،متعلقہ یوسی کے چیئرمین و وائس چیئرمین ، یوسی پینل و دیگر بلدیاتی افسران بھی انکے ہمراہ تھے اس موقع پر چیئرمین بلدیہ وسطی ریحان ہاشمی نے افسران کو ہدایت دی کے بلدیہ وسطی کے تمام علاقوں صفا ئی ستھرائی کے نظام کو بہتر کرنے کے ساتھ ساتھ صفائی ستھرائی کے معیار کو مزید بلند کیا جائے روزانہ کی بنیاد پر گلی محلوں میں جھاڑو بھی دی جائے جبکہ بس اسٹاپ،بازاروں میں علی الصبح صفائی کے کام اجنام دیئے جائے تاکہ آفس جانے والے حضرات اور خریداری کے لئے آنے والے مرد و خواتین کو کسی قسم کی پریشانی کا سامنا نہ ہو ریحان ہاشمی نے بلدیاتی نمائندوں کو ہدایت کی کہ فراہمی آب اور نکاسی آب کی بوسیدہ اور ناکارہ لائنوں کی تبدیلی اور مرمت کے کا م کی تفصیلات فراہم کریں تاکہ عوام کو سیوریج کی لائنوں کے رساؤ کی وجہ سے گندے پانی کے تالابوں سے نجات دلائی جاسکے انہوں نے کہا کہ سندھ حکومت واٹر اینڈ سیوریج بورڈ کو پابند کرے کہ وہ سیوریج لائنوں کی مرمت کے اقدام کرے ۔انہوں نے مزید کہا کہ منتخب نمائندے عوام کی فلاح و بہبود کے جاری منصوبوں کو بروقت مکمل کروائے انہوں نے کہا کہ بلدیہ وسطی عوام کو صاف و شفاف اور صحت مند ماحول کی فراہمی کے لئے ہر ممکنہ اقدامات کر رہی ہے تاکہ جلد از جلد عوام کو ریلیف حاصل ہونے کے ساتھ ساتھ ضلع وسطی کی سابقہ خوبصورتی کو بحال کیا جاسکے انہوں نے مزید کہا کہ تمام بلدیاتی نمائندے عوام سے رابطے میں رہیں اور عوام کی آرا کے مطابق بلدیاتی امور انجام دیں انہوں نے کہا کہ بلدیہ وسطی ضلع کو ہرا بھرا رکھنے کے لئے ضلع وسطی میں قائم تمام پارکس و گرین بیلٹس پر تزئین آرائش کے کام کئے جارہے ہیں انہوں نے کہا کہ ضلع سے مختلف پارکس سے کچرے کے ڈھیروں کو صفایا کردیا گیا ہے جہاں آج بچے کھیل کود رہے ہیں 





8th Dec 2017 DMC Central Karachi Press Release