29th Nov 2017 DMC Central Karachi Press Release
کراچی ( )رسول اکرم کی سیرت طیبہ رہنمائی کا سرچشمہ ہے امام کائنات کسی خاص خطے ،قوم یا زبان والوں کے لئے نہیں بلکہ پوری انسانیت کے لئے پیغمبر رشد و ہدایت کے مقام عظمت و رفعت پر قائم کر کے معبوث فرمائے ان خیالات کا اظہار چیئرمین بلدیہ وسطی ریحان ہاشمی نے نیو کراچی زون میں مساجد و امام بارگاہ، محافلِ میلاد النبی اور جشن آمد رسول کے حوالے سے ۲۱ ربیع اول کے موقع پر نکالے جانے والے جلوس کے منتظمین اور علماءکرام سے ملاقات میں گفتگوں کے دوران کیا۔ اس موقع پر دعوت اسلامی کے شاکرعلی عطاری ،سنی رابطہ کونسل کے مسرور ہاشمی، میونسپل کمشنر سینٹرل آفاق سعید،متعلقہ یوسی چیئرمین،وائس چیئرمین،سپریٹنڈنگ انجنیئراقبال احمد خان، ایکسین نیو کراچی نازش رضا و دیگر بلدیاتی افسران بھی انکے ہمراہ تھے ریحان ہاشمی نے کہا کہ جشن ولادت رسول کے موقع پر عاشقان رسول کو بلدیہ وسطی بہتر سے بہتر بلدیاتی سہولتوں کی فراہمی کو ممکن بنانے کے لئے تمام ممکنہ اقدامات کر رہی ہے اس موقع پر انہوں نے منتظمین محافلِ میلاد النبی اور جلوس سے جشن آمد رسول کے موقع پر درپیش مسائل بھی دریافت کئے اور انھیں فوری حل کرنے کی یقین دہانی کروائی اس موقع پر منتظمین جلوس و محافل میلاد النبی نے عاشقان رسول کو جشن عید میلاد النبی کے موقع پر انعقاد محافلِ میلاد النبی و جلوس وکی گزرگاہوں سے تجاوزات کا خاتمہ ،فٹ پاتھ پر رنگ وروغن ، صفائی ستھرائی ،روڈ کارپیٹنگ ،سیوریج لائنوں کی تبدیلی و مرمت سمیت دیگر بلدیاتی سہولیات کی بہتر فراہمی پر اپنے اطمینان کا اظہار کرتے ہوئے چیئرمین بلدیہ وسطی ریحان ہاشمی اور انکی ٹیم کی کوششوں کو سراہا بعد ازاں چیئرمین بلدیہ وسطی ریحان ہاشمی نے حسین آباد فیڈرل بی ایریا میں روڈ کارپیٹنگ کے کام کا معائنہ کیا اور کام کو جلد از جلد مکمل کرنے کی ہدایت کی تاکہ جشن عید میلاد النبی کے جلوس کے شرکاءکو کسی بھی قسم کی پرشانی کا سامنا نہ ہو۔ واضح رہے کہ نیو کراچی ، گلبرگ حسین آباد،نارتھ ناظم آباد ، لیاقت آباد، گلبہار سمیت دیگر جگہوں سے عید میلاد النبی کے موقع پر مرکزی جلوس برآمد ہوتے ہیں چیئرمین بلدیہ وسطی ریحان ہاشمی نے عاشقان رسول کو بہترین بلدیاتی سہولتوں کی بہم پہچانے کے لئے جلوس کی گزرگاہوں اور محفلِ کی انعقاد کی جگہوں پر ضرورت کے مطابق روڈ کارپیٹنگ کرنے کے احکامات جاری کئے تھے جس کی تکمیل کے لئے ضلع وسطی میں تیزی سے ترقیاتی کام جاری ہے ۔
29th Nov 2017 DMC Central Karachi Press Release