24th Oct 2018 DMC Central Karachi Press Release
کراچی ( ) چیئرمین بلدیہ وسطی ریحان ہاشمی ضلع وسطی کی خوبصورتی میں اضافے کے لئے سرگرم ۔ بلدیہ وسطی کے مختلف علاقوں کے دورے پر صفائی کے معیار سے غیر مطمئن ریحان ہاشمی نے سینی ٹیشن ڈپارٹمنٹ کو تنبیہ کی کہْ صرف دکھاوے کی صفائی نہیں چاہیئے بلکہ بلدیہ وسطی میں حقیقی صفائی نظر آئے ۔تفصیلات کے مطابق بلدیہ وسطی میں کوڑے کرکٹ کی صفائی کے ساتھ ساتھ سڑکوں اور شاہراہوں کو خوبصورت بنانے کے لئے اقدامات کئے جارہے ہیں ۔ اس سلسلے میں نہ صرف سینی ٹیشن کا عملہ صفائی کے عمل کو بہتر سے بہتر بنانے میں مصروف ہے بلکہ پارک ڈپارٹمنٹ بھی ضلع وسطی کی خوبصورتی میں اضافے کے لئے نمائشی اور پھولوں کے پودے لگانے میں مصروف ہے۔ تاہم ریحان ہاشمی صفائی ستھرائی کے معیار سے مطمئن نہیں۔انہوں نے بلدیہ وسطی کے مختلف زون کا دورہ کرتے ہوئے محسوس کیا کہ صفائی کا معیار وہ نہیں جو کہ ہونا چاہیئے ، حقیقی صفائی وہ ہے کہ جو شہریوں کو صاف ستھراء اور غیر آلودہ ماحول فضاء اور ماحول مہیاء کرے اس کے لئے ضروری ہے کہ بلدیاتی عملہ پوری تندہی سے صفائی کا کام سرانجام دے کوڑا اٹھانے کے بعد کچرا کنڈیوں کی صفائی بھی ضروری ہے ۔واضح رہے کہ بلدیہ وسطی کا سینی ٹیشن ڈپارٹمنٹ افرادی قوت اور مشنری کے ساتھ شب و روز ضلع وسطی کو صاف ستھراء رکھنے کے لئے مصروف رہتا ہے پھر بھی کا میں کچھ نہ کچھ کمی توہی جاتی ہے اور ریحان ہاشمی ہر کام پرفیکٹ چاہتے ہیں تاکہ ضلع وسطی نہ صرف صفائی بلکہ دیگر امور میں بھی دوسرے اضلاع سے ممتاز نظر آئے ۔
24th Oct 2018 DMC Central Karachi Press Release