24th Jan 2018 DMC Central Karachi Press Release
کراچی ( )ایم کیو ایم پاکستان کے ڈپٹی کنونیئرکنور نوید جمیل نے کہا ہے کہ وسائل کی کمی اور اختیارات نہ ہوتے ہوئے بھی کراچی کی عوام کو بلا تعطل بلدیاتی سہولیات مہیاءکرنے پر میئر کراچی وسیم اختر،بلدیہ وسطی کے چیئرمین ریحان ہاشمی اور انکی ٹیم مبارکباد کی مستحق ہے ان خیالات کا اظہار انہوں نے ضلع وسطی لیاقت آباد میں شاہراہ غریب آباد کا تزئین و آرائش ،اسٹریٹس لائٹس کی تنصیب کے بعد شاہراہ کا افتتاح کرتے ہوئے کیا اس موقع پر رکن رابطہ کمیٹی متحدہ قومی موومنٹ پاکستان فرقان طیب ، چیئرمین بلدہ وسطی ریحان ہاشمی،وائس چیئرمین سید شاکر علی ڈسٹرکٹ انچارج سینٹرل متحدہ قومی موومنٹ پاکستان ارشد شاہ متعلقہ یوسی چیئرمین ،و وائس چیئرمین ،میونسپل کمشنر آفاق سعید بلدیاتی افسران اور عوام کی بڑی تعداد موجود تھی کنور نوید جمیل نے مزید کہا کہ حق پرست قیادت عوام کو وسائل کی کمی کے باوجود ہر ممکن سہولیات مہیا کرنے میں شب و روز کوشاں ہے انہوں نے کہا کہ کراچی پورے پاکستان کا 60 فیصد اور سندھ کا تقربا 90 فیصد ریونیو فراہم کرتا ہے جس سے صوبہ سندھ اور وفاق کے زیر انتظام ادارے چلتے ہیں انہوں نے کہا کہ کراچی کے وسائل سے اسلام آباد کے پیڑوں کو تو پانی ملتا ہے مگر کراچی کے عوام کو پینے کا صاف پانی بھی میئسرنہیں ہے انہوں عوام سے خطاب کرتے ہوئے کہا کہ ہمارے اتحاد کو تقسیم کرنے کی سازش ہورہی ہے جو کسی طور کامیاب نہیں ہوگی انہوں نے کہا کہ ہم متحد ہوکر ہی اپنے تمام مسائل کو حل کرسکتے ہیں اور کراچی کو دنیا کے ترقیاتی شہروں میں شمار کرواسکتے ہیں انہوں نے کہا کہ موجودہ حکمومت کراچی کے وسائل پر قابض ہے یہی وجہ ہے ہمارے بلدیاتی ادارے عوام کی وہ خدمت نہیں کر پارہے جوحق پرست قیادت ماضی میں کرتی رہی ہے انہوں نے کہا کہ ہمارے وسائل محدود ہیں لیکن جذبے لامحدود ہیںکنور نوید نے کہا کہ وسائل نہ ہونے کے باوجود حق پرست نمائندے عوام کی خدمت کرتے رہے گے انہوں نے کہا کہ حق پرست قیادت کا مسمم ارادہ ہے کہ اپنے لوگوں کے مسائل حل کرنے کے لئے تن من اور دھن کی بازی لگا دیں گے انہوں نے کہا کہ اتحاد میں بڑی طاقت ہے ماضی میں اتحاد ہی کی وجہ سے حکمرانوں نے کراچی کو وسائل فراہم کئے کنور نوید جمیل نے کہا کہ کراچی والوں کو حقوق کے حصول کے لئے متحد ہونا پڑے گا اس موقع پر چیئرمین بلدیہ وسطی ریحان ہاشمی نے کہا کہ غریب آباد کے عوام کو پینے کے پانی میں گٹر کے پانی کے ملنے کا مسئلہ ، لیکج سیوریج لائنیں، سڑکوں کی ٹو ٹ پھوٹ جیسے مسائل کا شکار ہیں ریحان ہاشمی نے کہا کہ حق پرست قیادت وسائل کی کمی کے باوجود اپنی عوام کو سہولیات مہیاءکرنے میں کوشاں ہے انہوں نے کہا کہ وسائل کی کمی کی وجہ سے مرحلہ وار ہر یوسی میں منتخب شاہراﺅں درستگی اور تزئین و آرائش کے بعد ماڈل شاہراہ میں تبدیل کر رہے ہیں ریحان ہاشمی نے کہا کہ کراچی جو ریونیو وفاق اور سندھ کو دیتا ہے اسکا10 فیصد بھی کراچی کو نہیں ملتا اسکے باوجود عوام کی خدمت کرتے رہے گے انہوں نے کہا کہ ایک ماہ کے اندرغریب آباد کے عوام کے مسائل کو حل کرئینگے غریب آباد کے مکینوں کو چاہیئے کہ وہ اپنے علاقے کو اون کریں کیونکہ اب ہمارا کوئی پرسان حال نہیں ہے ہمیں خود ہی اپنے مسائل حل کرنا ہو نگے اس موقع پر وائس چیئرمین سید شاکر علی نے کہا کہ متحد نہ ہونے کی وجہ سے حال ہی میں ہونے والی مردم شماری میں کراچی کی آبادی کو کم ظاہر کیا گیا انہوں نے کہا کہ اگر میں اور آپ متحد ہوں تو اس صوبے کے حکمرانوں سے اپنے جائز حقووق حاصل کر سکیں گے انہوں نے کہا کہ بلدیہ وسطی عوام کو جو سہولیات فراہم کر رہی ہے وہ عوام کا حق ہے سید شاکر علی نے کہا کہ کراچی ایسے ہی جگمگائے گا جیسی کراچی کی شان ہے بعد ازاں ایم کیو ایم پاکستان کے ڈپٹی کنوینئر کنور نوید جمیل نے چیئرمین بلدیہ وسطی ریحان ہاشمی ،سید شاکر علی کے ہمراہ ربن کاٹ کا افتتاح کیا۔
24th Jan 2018 DMC Central Karachi Press Release